(Видео) Зеленски го спореди Путин со Хитлер: Што ако Русија стигне до Полска?!

Украинскиот претседател Володимир Зеленски во програмата „60 минути“ изјави дека Третата светска војна ќе стане реалност доколку САД не продолжат да и помагаат на неговата земја.

Во истиот пренос тој го спореди претседателот на Русија Владимир Путин со Адолф Хитлер.

„Целиот свет мора да одлучи дали сакаме да го запреме Путин или сакаме да ја започнеме третата светска војна. Не можеме да го промениме Путин“, изјави украинскиот претседател во американската емисија, чии делови пренесе Дејли Мејл.

„Тие го избраа, го реизбраа и добија нов Хитлер. Не можеме да се вратиме во минатото, но можеме да запреме се сега“, рече Зеленски, кој треба да пристигне во САД оваа недела на седницата на Генералното собрание на ОН. .

„Ние ги браниме вредностите на целиот свет, а украинскиот народ ја плаќа највисоката цена. Ние буквално се бориме за слобода и умираме. Ние не сме фикција, ние не сме книга. Ние се бориме против нуклеарната сила која се заканува да го уништи светот“, рече Зеленски за CBS News.

„Ако Украина падне, што ќе се случи за 10 години? Само размислете за тоа. И ако Русија стигне до Полска, што ќе се случи следно? Трета светска војна“, праша тој.

Share on Facebook

Tweet

Follow us

Save