(Видео) Израелски сили го уриваат домот на момчето кое уби полицаец

Палестинските медиуми јавуваат дека голем број израелски сили се наоѓаат во бегалскиот камп Шуафат северно од Ерусалим, каде што уриваат семејната куќа на тинејџер обвинет за смртоносен напад на граничен полицаец претходно оваа година, пишува „Тајмс оф Израел“.

На видеата споделени на социјалните мрежи се гледа како голем број војници влегуваат во кампот пеш и го опкружуваат објектот, за кој се вели дека е домот на Мухамед Залбани. Станува збор за 14-годишно момче кое со нож го избоде 22-годишниот граничен полицаец Асил Саваед додека вршел преглед на автобус на преминот Шуфат.

Палестинците велат дека израелските сили ја опколиле областа додека се подготвуваат да ја урнат куќата или да ја направат неупотреблива. Израелската полиција потврди дека испратила голем број полицајци, гранични полицајци и војници на ИДФ во бегалскиот камп во близина на Ерусалим за да го уништи домот на напаѓачот.

Во полициското соопштение се вели дека началникот на полицијата во Ерусалим, Дорон Тургеман, ја потпишал операцијата оваа недела, откако судот ја одби жалбата против акцијата во август.

https://twitter.com/PalastineEye/status/1722111444433412579?ref_src=twsrc%5Etfw%7Ctwcamp%5Etweetembed%7Ctwterm%5E1722111444433412579%7Ctwgr%5Ef8393091f7618c1902514a0ed1125ea67a380da6%7Ctwcon%5Es1_&ref_url=https%3A%2F%2Fa1on.mk%2Fworld%2Fvideo-izraelski-sili-go-urivaat-domot-na-momcheto-koe-ubi-policaec%2F

Share on Facebook

Tweet

Follow us

Save