INFOMAX.MK

Делчево вечерва после 19.00 часот го зафати силно невреме со дожд, град и ветер. Невремето траеше околу половина час, но силниот ветер предизвика значителни материјални штети на неколку институции и во најголем број од домовите на делчевчани.

Моментално во градот се работи на расчистување на материјалните штети, информираше градоначалникот на Делчево, Горан Трајковски кој нагласи дека среќна околност е што во целиот хаос нема повредени лица.

Градоначалникот Трајковски соопшти дека сите екипи се на терен, се работи на санирање на штетите, а веќе од понеделник ќе започне процедурата за надомест на штетата причинета од невремето.

– “Ќе се постапи законски, тоа што може ќе го санираме ние како локална самоуправа, а секако за поголеми штети ќе побараме помош од Владата, засега нема пријавено за угинат добиток, нема поголеми штети пријавено”, истакна Трајковски.

Градоначалникот истакна дека патот Делчево – Македонска Каменица – Кочани е прооден но апелираше возачите да возат внимателно поради појава на одрони.

Видеото може да го проследите на официјалната Фејсбук страна на Инфомакс, на следниот ЛИНК.