(Видео) И тоа се случи: Робот вози автомобил

Беше само прашање на време кога ќе се случи – развиен е хуманоиден робот кој вози автомобил.

Ова, се разбира, се случи во Јапонија, каде што робот по име Мусаши управува со електричен автомобил, забрзувајќи и сопирајќи како што му одговара во тоа време.

Производ е на лабораторијата Јуху Систем Когаку, а тимот на научници одговорен за тоа верува дека робот еден ден би можел да вози кој било автомобил и дека е подобар од автомобил без возач.

 „Ако сакате да имате машина кој е способен да „види“ и да реагира на она што се случува во сообраќајот, ова може да се направи со помалку технологија од онаа што е потребна за возило кое е 100% автономно“, велат од оваа лабораторија.

Мусаши првично е развиен од јапонски истражувачи на Универзитетот во Токио во 2019 година и беше користен за тестирање на системот. Има слични пропорции како човекот, плус структура на зглобовите и мускулите инспирирана од човекот.

Share on Facebook

Tweet

Follow us

Save