(Видео) Масовни протести во Франција

Франција е погодена од бран масовни протести насочени против политиките на претседателот Емануел Макрон. Акциите, кои беа однапред најавени на социјалните мрежи, се одржуваат низ целата земја, а демонстрантите често влегуваат во судири со полицијата, блокираат патишта и палат автомобили.

За време на протестите во ноќта меѓу понеделник и вторник, демонстранти го зазедоа просторот пред Лионската железничка станица во Париз и палеа бакли.

Според податоците на Министерството за внатрешни работи, досега се уапсени околу 200 лица, информираше актуелниот министер Бруно Ретајо.

Немирите се случуваат во контекст на продлабочена политичка криза. Премиерот Бајру поднесе оставка по предлогот за намалување на социјалните трошоци, а Макрон за негов наследник го предложи министерот за одбрана Лекорња. Сепак, парламентот сè уште нема дадено одобрение за неговата кандидатура.

Share on Facebook

Tweet

Follow us

Save