(Видео) Мобилизираните руски регрути учат да пукаат со “Калашников”: Еве како тече обуката

Мобилизираните граѓани поминуваат обука за модерна борбена тактика, прва помош и употреба на комуникации на бојното поле. Посебно внимание се посветува на воената топографија, инженерската обука, основите на радијацијата, хемиската и биолошката заштита, соопштуваат денеска од руското Министество за одбрана.

Оттаму додаваат дека војниците се обучени да пукаат со автомати „Калашников“, лесни митралези „Калашников“ и фрлачи на гранати RPG-7V.

Министерството за одбрана на Русија додава дека по завршувањето на обуката, на единиците со мобилизирани граѓани и доброволци ќе им се довери контролата и одбраната на „ослободените територии“, како што Москва ги нарекува териториите во Украина кои се под нејзина контрола.

Во Русија на 21 септември беше објавена делумна мобилизација и беше најавено дека ќе бидат мобилизирани 300.000 луѓе.

Од друга страна на Твитер се појавија и видеа од руски војници кои не се задоволни од тоа што ќе ги пратат директно на фронтот во Херсон без доволна воена подготовка како и други видеа од пијани и гладни руски регрути.

Share on Facebook

Tweet

Follow us

Save