(Видео) Најмалку девет лица загинаа во катаклизмично невреме ширум Западна Европа

t

Најмалку девет лица загинаа, многумина од паднати дрвја, во невремето што ги погоди Ирска, Велика Британија, Белгија и Холандија, додека околу 400.000 во Британија останаа без електрична енергија.

Тимови во Западна Европа денеска ги отстрануваа паднатите дрвја и работат на враќање на електричната енергија по една од најразорните бури во последните години.

Британските и ирските метеоролошки служби бурата ја нарекоа Јунис, а германските бурата што вчера го зафати регионот ја нарекоа Зејнеп и е втора голема бура за една недела.

Ветерот урна црковна кула во Велс на југозападна Англија, откорна делови од куполниот покрив на лондонската О2 Арена, собори дрвја и оштети згради во неколку земји.

Налети на ветер од 196 километри на час беа забележани вчера во одредени моменти на островот Вајт. Доколку биде потврдено, ова ќе биде најголемата брзина на ветер некогаш забележана во Англија.

Британската национална железничка асоцијација соопшти дека железничките линии во повеќето делови на земјата се сè уште блокирани и така ќе останат во текот на денот.

Метеоролошката служба соопшти дека денеска посилен ветер ќе ги зафати јужните брегови на Англија и Велс, а можни се дополнителни штети, додека снегот и мразот може да предизвикаат нарушувања во северните делови.

ПОВРЗАНИ ВЕСТИ

Снежно невреме предизвика сообраќаен хаос во Њујорк

Снежното невреме во американската сојузна држава Њујорк…

400 населени места во Украина останаа без…

Речиси 400 места останаа без струја во…

Над 13 илјади загинати досега во Појасот…

Бројката на загинатите во Појасот Газа од…

(Фото) Страшно невреме во Бугарија и Романија,…

Две лица загинаа во невремето во Бугарија…

Утре поројни врнежи и силен ветер

 УХМР соопшти дека утре времето ќе биде…