INFOMAX.MK

Израелската војска утринава ја презеде одговорноста за воздушен напад врз училиште на Агенцијата за бегалци на Обединетите нации (UNRWA) во Појасот Газа, каде што тврди дека била скриена „база“ на Хамас, при што загинале најмалку 27 лица.

„Воени авиони извршија прецизен удар врз базата на Хамас лоцирана во училиштето на „UNRWA“ во регионот Нусејрат“, соопшти израелската армија, додавајќи дека „неколку терористи се убиени“.

Терористите на Хамас и Исламскиот џихад кои учествуваа во нападот врз јужен Израел на 7 октомври 2023 година оперираа во тој комплекс, додаваат од израелската армија.

Using a school as a base for terrorism is unacceptable. The #IDF recently uncovered another Hamas compound within a #UNRWA school in Bureij, #Gaza Strip. This school was being utilized by Hamas terrorists who had carried out attacks on Israeli civilians and IDF forces in the… pic.twitter.com/6Z4vQcTd1T
— StandWithUs (@StandWithUs) June 5, 2024

Хамас соопшти дека најмалку 27 лица загинале, а „многумина се повредени“ во нападот на кампот Нусејрат, во централниот дел на Појасот Газа.

Пред нападот, тамошна локална болница од вторникот примила тела на најмалку 70 мртви и повеќе од 300 ранети, главно жени и деца, по израелските напади врз централните области на Појасот Газа, соопштија од „Лекари без граници“.