INFOMAX.MK

Интересно видео се појави на социјалните мрежи од патот кон Стража во близина на Гостивар каде мечка заедно со своите мечиња се движи во близина на автопатот.

На видеото се гледа мајка мечка заедно со уште едно мече.

Today, Гостивар/Gostivari. 🇲🇰 https://t.co/ziXJO0BcDe pic.twitter.com/R2iAWgKiuj

— Balkan Facts (@factsbalkans) November 28, 2023

Да потсетиме дека претходно усмртена мечка била најдена утрово во близина на коловозот од магистралниот патен правец Гостивар-Кичево.

Според првичните сознанија од увидот, мечката најверојатно на возраст од 2-3 години била удрена од возило и од повредите угинала. Младата мечка беше најдена во непосредна близина на излезот од Гостивар до паркингот кај Здуњски мост.

Центарот за управување со кризи информираше дека поведуваат процедура пред надлежните министерства за земјоделство и за екологија, да извршат процена дали се исполнети условите за отстрел на мечка на територија на Општина Маврово и Ростуше. Директорот на ЦУК Стојанче Ангелов на прес-конференција посочи дека станува збор за мечката која на 23 октомври нападна и повреди 76 годишник од Пласница.

„Како Центар за управување со кризи, ние сме против убивање на мечките, но во случај на појава на опасната мечка, којашто не е спорно дека нападнала човек и за којашто постои опасност повторно да нападне човек, да убие човек или истиот тешко да го повреди, ние само ја придвижиме процедурата пред надлежните министерства“, рече Ангелов.