INFOMAX.MK

Организацискиот секретар на СДСМ, Мартин Костовски, денеска ја посети „фабриката“ која ќе ги шие полициските униформи. На терен не постои фирма, нема табла, нема вработени, ама ќе шијат униформи за 4 милиони евра, вели Костовски.

– Се наоѓаме пред зградата во општина Карпош во Скопје, на адресата каде што, според официјалните документи, е регистрирана една од фирмите која доби тендер вреден 4 милиони евра од МВР.

Станува збор за адреса на фирмата Памитекс којашто е основана само 20 дена пред распишување на тендерот, Улица Орце Николов 188/2-11 Скопје.

И што најдовме тука? Апсолутно ништо!

Нема нема табла, нема вработени, нема ниту трага од компанија што би можела да спроведе сериозна јавна набавка, а камо ли специјализирани униформи за полицијата.

Како е регистрирана оваа фирма?

Дали фирмата има фиктивно седиште?

Тошковски е фатен жив во голем скандал и мора да одговори.

Како е можно една „компанија“ без капацитети, без историја, без вработени, да добие тендер во МВР вреден 4 милиони евра за униформи?

Ова не е обичен тендерски скандал.

Ова се основани сомнежи за системска корупција, која оди до самиот врв на власта.

СДСМ бара итна истрага од Јавното обвинителство и понуштување на овој скандалозен тендер.

Парите на граѓаните не се за партиски и бизнис зделки на министрите од ВМРО-ДПМНЕ!

СДСМ ќе продолжи да ја разоткрива секоја сомнителна зделка на оваа корумпирана власт. Одговорност мора да има! – истакна Костовски.

Инфомакс пишуваше за набавката на униформи уште на 6 мај, кога објавивме дека двете компании со кои е склучен договор во вредност од околу 4 милиони евра се со вкупно десетина вработени и веројатно немаат капацитет да испорачаат доволен број на униформи за македонската полиција.

Детали прочитајте во продолжение: