(Видео) Опозициските демонстранти фрлаа молотови коктели врз зградата на албанската влада
Опозициските демонстранти ја нападнаа зградата на албанската влада со молотови коктели и камења во вторникот, обвинувајќи ги владините претставници за вмешаност во организиран криминал и корупција, откако нивниот лидер беше ставен во домашен притвор.
Илјадници луѓе се собраа пред седиштето на владата во главниот град Тирана, додека припадниците на интервентната полиција за справувања со немири беа повикани да ја опколат канцеларијата на премиерот Еди Рама. Засега нема извештаи за повредени, сериозни штети или уапсени.
Главната опозициска Демократска партија го обвинува Рама за непотизам и корупција, што според неа охрабрува многу млади луѓе да емигрираат во потрага по подобар живот во Западна Европа.
Демонстрантите го избраа вторникот да одржат протестен собир во знак на сеќавање на 20-ти февруари 1991 година, кога продемократските демонстранти ја урнаа статуата на долгогодишниот албански комунистички диктатор Енвер Хоџа.
#Opposition protesters hurl petrol bombs at #Albania government building#Tirana #protest
The main opposition Democratic Party accuses #Rama of nepotism and corruption which it says are prompting many young people to emigrate for a better life in western Europe. pic.twitter.com/o7bV29HGyM— Tetova News (@TetovaNews1) February 20, 2024
„Денеска сме овде за да го собориме режимот на Рама, кој е полош од режимот на Енвер Хоџа“, изјавил за Reuters Силе Џебеџија, демонстрант кој рекол дека патувал повеќе од 100 километри за да присуствува на протестот во Тирана.
Опозицискиот лидер Сали Бериша им се обрати на демонстрантите преку видео врска од домашен притвор. Против него се води истрага за наводна корупција додека беше премиер од 2005 до 2013 година.
Бериша негираше дека сторил нешто лошо, обвинувајќи го Рама за политичка одмазда со цел да ги замолчи противниците. Рама негира, а обвинителите допрва треба да одлучат дали ќе поднесат формални обвиненија против Бериша или ќе ги отфрлат.
„Еди Рама, како и другиот диктатор (Хоџа), ги концентрираше сите сили во свои раце и сака Албанија без опозиција“, рече Бериша на демонстрантите.
Бериша редовно им се обраќа на поддржувачите од балконот на неговиот стан во центарот на Тирана.
Massive demonstrations in Tirana, Albania, against the gross corruption in the country and against the rule of the Albanian government.
Edi Rama, Prime Minister, has been approaching the Serbian dictator for the last period of time.pic.twitter.com/WxxHKV91uA
— Foreign policy (@ForeignpolicyWB) February 20, 2024
ПОВРЗАНИ ВЕСТИ
ПОЖАР ВО СЕДИШТЕТО НА ЦИА: Пожарникари интервенирале…
Пожар избувнал во седиштето на американската Централна…
САД предупредуваат дека украинските напади длабоко на…
Пентагон денеска ги замоли западните земји кои…
КИБЕРНАПАД ВРЗ НАЈГОЛЕМИОТ СНАБДУВАЧ СО ПРИРОДЕН ГАС…
Норвешкиот енергетски гигант „Еквинор“ (Equinor), најголемиот снабдувач…
ПОРАНЕШНИОТ БУГАРСКИ ЦАР СО ПОРАКА ПО СРЕДБАТА…
Поранешниот бугарски цар и експремиер Симеон Сакскобурготски…
НЕОЧЕКУВАН ПОВИК ВО ИЗРАЕЛСКИОТ ПАРЛАМЕНТ: Нетанјаху итно…
Израелскиот премиер Бенјамин Нетанјаху, според информации што…