(Видео) „Отпишаниот“ Лукаку му донесе триумф на Интер, Лајпциг избегна пораз, одлуката паѓа во Манчестер

Интер со гол на Ромелу Лукаку во самиот финиш од мечот го победи Порто со 1-0, немаше победник на дуелот меѓу Лајпциг и Манчестер Сити, тимот на Пеп водеше, но Гвардиол постигна гол за 1-1.

Порто требаше да остане со фудбалер помалку за Интер да дојде до победата. Ромелу Лукаку е херојот на нероазурите во првата осминафинална пресметка од Лигата на шампионите.

Натпреварот беше рамноправен. Но, Порто во 78. минута остана со фудбалер помалку откако Отавио заработи втор жолт картон.

Тогаш Интер ја зголеми офанзивата и тоа вроди со плод. Во 86. минута Лукаку од втор обид постигна гол за водство на Интер од 1-0, што беше и конечен резултат.

Немаше победник на дуелот меѓу Лајпциг и Манчестер Сити, натпреварот заврши 1-1. Англичаните доминираа во поголем дел од мечот, но не дојдоа до победата.

Share on Facebook

Tweet

Follow us

Save