INFOMAX.MK

Ден откако евроамбасадорот Дејвид Гир и амбасадорката на САД, Анџела Агелер кажаа дека распуштање на Судскиот совет и Советот на јавни обвинители е мешање во судската власт, премиерот Христијан Мицкоски без ракавици ги обвини дека го прават истото и се мешаат во внатрешните работи на Република Македонија.

На настан во Гевгелија од премиерот Христијан Мицкоски беше побаран коментар за ставот на амбасадорите Гир и Анџела Агелер дека не смее да се наруши поделбата на власта и оти распуштање на двата совета значи мешање во независноста и самостојноста на судството и на обвинителството, Мицкоски одлучно и со факти им одговори.

„Ја слушнав таа изјава. Некако, стана практика амбасадорите да се мешаат во внатрешните работи на државата. Но, во ред, дури и ако е така. За оваа коалиција гласаа 600.000 граѓани, се гледа дека тоа ништо не им значи. За политиките и програмата на оваа влада. Истите велат дека состојбата со правната држава е катастрофална. Истите во нивните извештаи велат дека криминалот и корупцијата цветаат. Довербата во Судскиот совет и во Обвинителскиот совет е на 2-3%, се гледа дека работите не функционираат. Ако знаат подобро решение нека дојдат да покажат, јас сум подготвен да разговараме“, вели Мицкоски.