(Видео) По рекордно високите температури и сушата, на средина на мај во Шпанија заврна снег

По неколкумесечната тешка суша и рекордно високите температури измерени во Шпанија, на северот на земјата денеска падна снег, јавуваат локалните медиуми.

Снежни врнежи имаше во областа Ла Раја во провинцијата Астуриас, а во исто време град и обилни врнежи од дожд зафатија делови од шпанскиот брег, вклучувајќи ги Каталонија и Валенсија, по неколку месеци без капка дожд.

Во Шпанија годинава е забележан најсувиот почеток на годината од почетокот на векот, соопштија минатиот месец метеоролозите.

Во земјата од почетокот на годината има 11 дена потопло од вообичаено, што е двојно повеќе од бројот регистриран во текот на целата година.

Share on Facebook

Tweet

Follow us

Save