INFOMAX.MK

Во кампот „Ѕвезда“ во Ростовската област пристигнаа првите бегалци од Донбас, а се очекува да пристигнат и до 400 лица, изјави претставникот на кампот. Први беа евакуирани штитениците од домовите за згрижување на деца без родители, а следните автобуси беа полни со деца и жени.

Како што претходно беше најавено од самопрогласената Доњецка народна република, евакуацијата која започна во петокот попладне ќе продолжи и во текот на ноќта, а планирано е да бидат евакуирани вкупно 700.000 луѓе.

❗️Evakuacija iz Donjecka, u autobusu su uglavnom deca. Oni koji ostanu mašu u ime pozdrava. pic.twitter.com/5DVaSy5KXW

— Sputnik Србијa (@rs_sputnik) February 18, 2022

Инаку, ситуацијата во Донбас се влоши. Украинските сили ги гранатираа Горловка и Зајцево, а во Доњецк беа активирани сирени за цивилна заштита, по што беше започната евакуација на населението.
На пат кон Русија беа забележани колони возила, а претседателот Владимир Путин нареди се да се подготви за пристигнувањето на бегалците во Ростовската област.