INFOMAX.MK

Во Градачац денеска се одржуваат уште еден од серијата протестни собири откако насилник ја уби невенчаната сопруга Низама Хеќимовиќ, која неколку дена претходно го молела системот за помош. Потоа уби уште две лица, а едно тешко рани, што ги поттикна граѓаните на овој град да излезат на улица. Денеска заедно со протестниот собир има и јавна трибина организирана од членови на невладиниот сектор од која беа испратени фрапантни пораки.

„Доби една шлаканица, што е тоа? Ќе се согласите ли на тоа?“, праша еден од организаторите на јавната трибина, алудирајќи на зачестените и застрашувачки забелешки кои се слушаат кога станува збор за насилството врз жените.

„Не!“ извикуваа насобраните граѓани.

„Нема оправдување за насилството, нема оправдување! Оваа земја мора да прифати нулта толеранција за сите форми на насилство во општеството. Случајните пцовки и коментари се дел од насилството“, изјави еден од организаторите, кој беше проследен со аплауз од многуте насобрани луѓе.

Синоќа се одржаа и протести во овој град, а една од особено моќните пораки испрати инфлуенсерката Хана Хаџиавдагиќ, потсетувајќи дека убиената Низама со денови молела за помош.

ЛИНК од видеото