INFOMAX.MK

Во тек е пукање во близина на синагогата „Темпл Израел“ во Вест Блумфилд, Мичиген, а полицијата е на местото на настанот, додека блиските училишта и места за богослужба се затворени, соопштија локалните власти.

Директорот на ФБИ, Каш Пател, изјави дека агентите се на местото на настанот поради. Според извештаите од местото на настанот, возилото првично се забило во зградата на синагогата, додека снимките покажуваат голем број полициски возила околу зградата, од чиј покрив се крева чад.

Државната полиција на Мичиген соопшти дека е запознаена со инцидентот со активен стрелец и ги повика граѓаните да се држат подалеку од областа за да можат полициските екипи да работат без пречки, објави „Детроит њуз“.

Во исто време, зголемени се полициските патроли на други верски места во округот.

Еврејската федерација на Детроит изјави дека е запознаена со безбедносниот инцидент во синагогата и дека еврејските институции во областа вовеле привремено заклучување како мерка на претпазливост.

Десетици полициски и итни возила од повеќе градови во округот Оукленд, вклучувајќи ја државната полиција и полициските одделенија Вест Блумфилд, Фармингтон Хилс, Клосон, Обрн Хилс, Бирмингем и Плезент Риџ, се на местото на настанот.

Портпаролот на канцеларијата на шерифот на округот Оукленд, Стивен Хубер, изјави дека полицијата моментално ја пребарува зградата, но не даде дополнителни детали.

Гувернерката на Мичиген, Гречен Витмер, изјави дека ги следи извештаите за инцидентот со пукање во синагогата и дека властите соработуваат со државната полиција на Мичиген за да соберат повеќе информации.

„Антисемитизмот и насилството немаат место во Мичиген“, рече Витмер во објава на социјалните медиуми.

BREAKING:

Police reports an active shooting at Temple Israel synagogue in West Bloomfield, Michigan.

The synagogue describes itself as the largest Reform Jewish congregation in the United States.

🇺🇸 pic.twitter.com/fmAH94s7OO

— Visegrád 24 (@visegrad24) March 12, 2026