INFOMAX.MK

Руската фрегата „Адмирал Горшков“ и подморницата „Казан“ на нуклеарен погон, пристигнаа на Куба во петдневна посета што Москва ја гледа како демонстрација на сила во услови на зголемени тензии поради инвазијата на Украина. Љубопитни посматрачи, рибари и полиција се собраа долж крајбрежниот булевар во Хавана за да ја поздрават флотата кога таа влезе во пристаништето на градот во средата.

Куба, долгогодишен сојузник на Русија, го поздрави доаѓањето на бродовите со 21 вод.

Russia shares footage of its frigate Admiral Gorshkov and Kazan nuclear-powered submarine entering Cubas, Havana harbor.

The Gorshkov is one of Russias most modern ships, which was followed by the Kazan.

The US assessed that the Kazan is not carrying nuclear weapons. pic.twitter.com/DNK3Pp4Zw4

— Dylan S (@DylanS_007) June 13, 2024

Четири руски бродови изведоа обука за „високопрецизно ракетно оружје“ во Атлантскиот Океан додека беа на пат кон Куба. Подморницата и фрегатата се опремени со хиперсонични ракети „Циркон“, крстосувачки ракети „Калибр“ и противбродски ракети „Оникс“, соопшти руското Министерство за одбрана.

Невообичаеното распоредување на руската морнарица толку блиску до Соединетите Американски Држави доаѓа откако Вашингтон и некои западни сојузници на Украина му дозволија на Киев да го користи нивното оружје на цели во Русија, поради обновениот руски напад врз Харков и недостигот од борбени трупи и муниција, пренесуваат медиумите во светот.

Хавана се наоѓа на само 160 километри од Ки Вест во јужната држава Флорида каде што САД имаат воздухопловна база.

„Воените бродови се потсетник за Вашингтон дека е непријатно кога противникот се меша во вашата близина“, изјави за Асошиејтед прес Бенџамин Гедан, директор на програмата за Латинска Америка на тинк-тенкот Вилсон Центар со седиште во Вашингтон, мислејќи на мешањето на Западот во Руската војна во Украина.

Jak już zwracałem uwagę
logicznym będzie przeniesienie punktów zapalnych bliżej Ameryki

Wczoraj, 12 czerwca 2024 roku, rosyjski okręt podwodny o napędzie nuklearnym Kazan przybył do portu w Hawanie, Kuba.

Wraz z nim do Hawany zawinęły także fregata Admiral Gorshkov,… pic.twitter.com/F96y0aZKtf

— Kot Bot (@kot_b0t) June 13, 2024

„Тоа, исто така, ги потсетува руските пријатели во регионот, вклучувајќи ги и американските непријатели Куба и Венецуела, дека Москва е на нивна страна“, рече тој.

Куба минатата недела рече дека посетата е стандардна практика за поморските бродови од пријателските земји и дека флотата не носи нуклеарно оружје.

САД, кои го следеа движењето на бродовите, исто така го намалија значењето на распоредувањето.

Советникот за национална безбедност на Белата куќа, Џејк Саливан, во средата изјави за новинарите дека ваквите поморски вежби се рутински.

„Сме виделе вакви работи и порано и очекуваме да ги видиме повторно, така што нема да црпам посебни мотиви од тоа“, рече Саливан.

Тој додаде дека нема докази дека Русија префрлила ракети на Куба, но САД ќе останат будни.

First two videos is how the Russian frigate “Admiral Gorshkov” and the submarine “Kazan” were greeted in the port of Havana.

And the third video is how the Americans greeted them.
Military helicopters, airplanes and reconnaissance drones flew non-stop over the beaches of Miami.… pic.twitter.com/VG8zhZlykq

— 𝑐ℎ𝑖𝑙𝑙𝑖𝑛𝑜𝑖𝑠 (@chiIIum) June 13, 2024