INFOMAX.MK

Претседателот на ВМРО-ДПМНЕ наместо да го обединува опозицискиот фронт за пад на власта на СДСМ и ДУИ, повторно јавно напаѓа опозициска партија, овојпат Левица.

Според Мицкоски Левица е во коалиција со власта, а ДУИ работи за Левица и му задава удари на ВМРО-ДПМНЕ.

– Секогаш ДУИ напаѓаат дека ВМРО-ДПМНЕ било во коалиција со Левица. Тоа го прават само поради една причина, во очите на македонските гласачи Левица да ја направат жртва дека ги напаѓаат криминалците на ДУИ и на тој начин да му зададат удар на ВМРО-ДПМНЕ од десно.

Ај прашајте Левица со кого е коалиција во Скопје, Битола, Ѓорче Петров, рече денеска Мицкоски.

Коалицијата “За Обнова на Македонија” предводена од ВМРО-ДПМНЕ постојано се ситни, неодамна ГРОМ ја напушти коалицијата, дел ос албанските партии кои Мицкоски ги смета за коалициони партии од албанскиот блок јавно се спротивставуваат на ставовите на партијата и даваат поддршка за промена на Уставот, а имаат и дополнително барање на бришење на 20% кај албанскиот јазик.

Левица не е во коалиција со ВМРО-ДПМНЕ, но е една од најголемите опозициски партии и логично би било Мицкоски наместо да ја напаѓа, да соработува со Левица за уривање на сегашната власт.