(Видео) Српска полиција на минусни температури соблака мигранти до гола кожа и ги враќа назад во Македонија

t

Британскиот весник Гардијан објави видео од македонско – српската граница каде се гледа како српската полиција соблака мигранти до гола кожа и ги принудува да се вратат назад во Македонија.

„Гардијан“ посочува дека не може да ја потврди автентичноста на снимките, но според информациите на организацијата “Легис“, настанот се случил на 10 февруари во близина на селото Лојане, близу границата со Србија.

Според невладината организација Легис овој настан не прв и дека тој ден се случиле два такви инциденти каде над 50 луѓе биле вратени назад во Македонија откако претходно биле фатени како илегално ја поминале границата.

Радош Ѓуровиќ, извршен директор на Центарот за заштита и помош на барателите на азил во Србија, потврдува дека неговиот персонал бележи зголемување на бројот на мигранти кои се враќаат од Србија во Северна Македонија од почетокот на годината.

Дуња Мијатовиќ, комесар за човекови права на Советот на Европа, изрази загриженост и повика на итна истрага на овие извештаи за наводната политика што ја применува српската полиција на границата.

„Гардијан“ објави дека српската полиција не одговорила на барањето за коментар за случајот.

ПОВРЗАНИ ВЕСТИ

САД подготвуваат тест на интерконтинентална ракета среде…

Американските воздухопловни сили планираат пробно лансирање на…

Епидемијата на ебола во Конго е надвор…

Епидемијата на ебола на истокот од Демократска…

Вучиќ до Студентската листа: Ужасно ми е…

Претседателот на пратеничката група „Александар Вучиќ –…

Прекин во услугите на „Епл“: Корисници пријавуваат…

Корисници на „Епл“ на 17 ноември пријавија…

(Фото) СДСМ доживеа дебакл на протестот во…

Најавата на СДСМ за протест во Охрид…