INFOMAX.MK

Српскиот фудбал од поодамна е контроверзен особено со постојаните сомнителни мечеви во ниските лиги, судии кои директно се инволвирани во обложувачките мафијашки кругови, ама врв на сѐ е одлуката да се суспендира арбитар за – чесна одлука.

Ако се сеќавате неодамна се појави видео „ВАР за сиромашни“ од ниските лиги кај северниот сосед, судијата Стефан Лазовиќ искористи мобилен телефон како „ВАР-помош“ за да донесе исправна одлука дали голот е регуларен или не. И за чесниот пристап, на крај добил – доживотна суспензија.

Како што објавија српски медиуми, него го избришале од судиската листа, колку само да се покаже дека на Балканов нема место за чесни луѓе во фудбалот, туку исклучиво за мешетари, а при еден куп сомнителни мечеви, очајни судиски одлуки, никој не е казнет барем на еден месец, за доживотна суспензија нема ни збор.

Инаку Лазовиќ е дипломиран правник и приправник во основното обвинителство во Краљево.