INFOMAX.MK

Попладнево Скопје и половина домаќинста во Македонија останаа без електрична енергија, а како што дознава Инфомакс причината за несреќата се проблеми во високонапонската мрежа на МЕПСО.

Пожарот во Пинија која во моментов голем број на пожарникари го гаснат како што дознаваме е резултат на проблеми со инсталацијата на трафостаницата која се наоѓа во непосредна близина, но причината за проблемите со трафостаницата е квар на друга локација за која претходно пишувавме во скопски Бунарџик.

Како што дознаваме проблемите со снабдувањето со електрична енергија во Македонија започнале поради проблем со далековод во индустриската зона Бунарџик кој потоа го предизвикал спојот во трафостаницата во Пинтија, но и големиот пожар.

Поради безбедносни мерки и гаснење на пожарот како што дознаваме снабдувањето со електричната енергија во Скопје и пошироко морала да биде запрена.

Министерството за внатрешни работи информира дека експлозија на високонапонска мрежа на МЕПСО е причината што голем дел од Скопје попладнево остана без струја.

„Поради експолозија на високонапонска мрежа на МЕПСО, дел од Скопје е со прекин во електрична енергија, но се вклучува дел по дел“, велат од МВР.