(Видео) Продолжува хаосот на Факултетот за бизнис и економија: Студентите губат од наставата и бараат итно решавање на овој проблем

Академската година не започна за студентите на приватниот Факултет за бизнис и економија. Причина за тоа се отказите кои ги добиле професорите од в.д. директорката Жанина Кировска. Студентите се револтирани затоа што нема кој да им држи часови, испити и нема пред кого да ги бранат дипломските трудови.

Утрово пред јавноста за проблемите со кои се соочува овој факултет говореше Марија Михајловска, студент на Факултетот за бизнис и економија. Михајловска посочи дека владее тотален хаос и дека се уште не им е јасно кога ќе започне новата учебна година. Исто така Михајловска потенцираше и дека процедурата е долга, па така и кога ќе се најдат (ако се најдат) нови професори, има рок од најмалку седум дена за кои професорите ќе мора да почекаат за да почнат со работа.

И додека трае хаосот на Факултетот за бизнис и економија најмногу трпат студентите кои поради ваквите состојби на факултетот можат да ја загубат и целата година.

Share on Facebook

Tweet

Follow us

Save