(Видео) Турската војска ги лови курдите и по дома: Нова операција во југоисточна Туција

Турските безбедносни сили започнаа нова ворна операција во југоисточната област Елазиг, доминантно населена со Курди, потврди Турското Министерството за внатрешни работи.

„Вкупно 870 припадници на безбедносните сили ќе учествуваат во операцијата, наречена ‘Ерен зима ‒ 26’ “, изјави потполковник Алим Јилмаз во писменото соопштение на Министерството.

„Операцијата е дел од тековните напори за неутрализирање на терористите (Курдите) со тактиката „пребарувај-најди-уништи“ и зајакнување на мирот и безбедносното опкружување во регионот со спречување на нивните подготовки за напад“, се вели во соопштението.

„Операцијата, чија цел е целосно елиминирање на тероризмот (Курдските борци) во земјата, ќе продолжи одлучно со поддршка на граѓаните“, се додава во соопштението.

Турција ги покрена операциите „Ерен“ минатата година и ги именуваше по Ерен Булбул, 15-годишно момче кое наводно беше убиено од курдските бунтовници ПКК на 11 август 2017 година.

Share on Facebook

Tweet

Follow us

Save