(Видео) Турски авион се урна за време на тенинг-лет

Турски борбен авион Ф-16 денес се урна за време на тренинг-лет во северозападната турска провинција Јалова поради технички дефект, објави „Туркије“.

Видео снимки покажуваат експлозија и црн чад како се издигнуваат од полето каде што падна авионот.

„Еден од авионите Ф-16 на нашите воздухопловни сили се урна во Јалова за време на тренинг-лет. Пилотот се катапултираше и ја преживеа несреќата“, соопшти турското Министерство за одбрана.

Оттаму додаваат дека причината за несреќата ќе биде утврдена по детална истрага.

Авионот учествувал во тренинг-лет од Командата на воздухопловната база во Јалова.

Според првичните информации, пилотот се спасил со катапултирање со падобран, по што на местото биле испратени медицински и противпожарни екипи.

Тој бил пренесен во Истражувачката и тренинг-болница во Јалова на лекување.

Share on Facebook

Tweet

Follow us

Save