(Видео) Турците го скандираа името на Путин додека Украинците славеа постигнат погодок

Навивачите на Фенербахче ги провоцираа приврзаниците и фудбалерите на Динамо Киев скандирајќи го името на рускиот претседател Владимир Путин, на денашната средба во Истанбул, во рамки од второто квалификациско коло во Лигата на шампионите.

Се започна откако Виталиј Бујалски постигна гол во 57. минута и лудо го прослави водството на Динамо Киев. Во таа прилика се сврте кон турските навивачи и ги испровоцира, а набрзо следеше реакција.

На „Стадионот Улкер“ на азиската страна на Истанбул одекнуваше името на Владимир Путин, инсинуирајќи ја војната што Русија ја води со Украина.

На крајот причина повеќе за славење имаше Динамо кој славеше по продолженијата и се пласираше понатаму (1-2).

Извор: gol.mk

Share on Facebook

Tweet

Follow us

Save