(Видео) Турција започна нова операција на северот на Сирија и Ирак – Погодени се 89 цели

Турското Министерство за одбрана соопшти дека уништило 89 цели за време на воздушната операција во северна Сирија и Ирак.

„Воздушната операција беше успешно изведена во областите Кандил, Асос, Хакурк во северен Ирак и областите Тел Рифат, Сисира и Дерик во северна Сирија, кои терористите ги користеа како бази за напади врз нашата земја. Во воздушната операција уништени се 89 мети, 81 во првата фаза и осум утринава – засолништа, бункери, пештери, тунели, магацини за муниција и т.н. терористички штабови и кампови за обука кои ја загрозуваат нашата земја, нашиот народ и безбедноста на нашите граници. „Многу терористи се неутрализирани“, се вели во соопштението на министерството за одбрана.

Фархад Шами, портпарол на курдските Сириски демократски сили (SDF), објави дека Турција го гаѓа пограничниот град Кобане во северна Сирија, кој е под контрола на курдските сили.

Share on Facebook

Tweet

Follow us

Save