(Видео) Уапсен велешанец што возел мотоцикл на игралиште, полицијата му го одзеде мотоциклот

Дваесет и тригодишен жител на Велес е лишен од слобода откако управувал мотоцикл без регистарски ознаки на игралиште во градот, соопшти Министерството за внатрешни работи.

Полициски службеници од СВР Велес го привеле С.Ќ. на 17 јули, околу 00:40 часот, на улицата „Хаџи Косте“, постапувајќи по претходна пријава и по видео објавено на социјалните мрежи, на кое се гледа како управува мотоцикл на игралиште.

При извршените проверки било утврдено дека мотоциклот бил без регистарски ознаки, а 23-годишникот го управувал пред да стекне право на управување, односно без возачка дозвола.

За случајот е известен јавен обвинител, мотоциклот е одземен, а по целосното документирање на настанот, против него ќе бидат поднесени соодветни пријави.

Share on Facebook

Tweet

Follow us

Save