(Видео) Украинските вojници оставаат сѐ зад себе и бегаат пред налетот на силите на ДНР

Дописникот на Спутник ги прикажа напуштените позиции на украинските војници, кои заминуваат под налетот на силите на ДНР, оставајќи зад себе оружје, муниција и имот.

Четврти ден од воената операција во Украина. Москва и Киев се подготвени за преговори. Путин нареди посебен режим за руските нуклеарни сили. Руската армија ја презеде контролата врз аеродромот во близина на Керсон. Гранатирањето продолжува во Донбас. Западот најави замрзнување на имотот на Централната банка на Русија, како и дека одредени банки ќе бидат исклучени од SWIFT.
Откако Киев ја засили офанзивата против ДНР и ЛНР, Русија, на барање на републиките, ја призна нивната независност и ги ратификуваше договорите за пријателство и соработка. Три дена подоцна, рускиот претседател Владимир Путин најави почеток на специјална воена операција во регионот.

Состанокот на делегациите на Русија и Украина во Белорусија би можел да започне во понеделник наутро, бидејќи претставниците на Киев одлучија да отпатуваат за Белорусија преку Полска, изјави за РИА Новости белорускиот политиколог Јуриј Воскресенски, близок до организаторите на преговорите.
„Преговорите ќе се водат во понеделник наутро, бидејќи, плашејќи се за своите животи, членовите на украинската делегација не отидоа директно, преку Гомел, туку преку Полска, односно граничниот премин „Варшавски мост“ кај Брест. Тие прават огромен заобиколен пат“, рече Воскресенски.
Тој додаде дека украинската делегација ја сочинуваат четири или пет лица, меѓу кои и заменик-шефот на украинската дипломатија, претставници на воената и политичката сфера, како и лидерот на партијата „Слуга на народот“, Дејвид Арахами.
Претходно, шефот на руската делегација, помошник на претседателот Владимир Медински, изјави дека страните се договориле да се сретнат во регионот Гомел во Белорусија на границата со Украина.
На ова му претходеше телефонски разговор меѓу Александар Лукашенко и Владимир Зеленски. Руската делегација утрово пристигна во Гомел. Покрај Медински, во него се и замениците министри за одбрана и надворешни работи Александар Фомин и Андреј Руденко, амбасадорот во Белорусија Борис Гризлов и шефот на Меѓународниот комитет на Државната дума Леонид Слуцки.

Share on Facebook

Tweet

Follow us

Save