(Видео) Украинците дигнаа во воздух нафтен гигант во Санкт Петербург

Нафтениот терминал во Санкт Петербург, кој се наоѓа во рускиот Ленинградски регион, беше нападнат во раните утрински часови.

Очевидци пријавија силни експлозии и голем пожар што избувна во еден од најважните енергетски објекти во Русија, објавува „Киев Индепендент“.

Нападот се случил на самиот ден од почетокот на Меѓународниот економски форум во Санкт Петербург, традиционален собир на политичките и бизнис елитите што секоја година го организира рускиот претседател Владимир Путин.

Во текот на утрото, жителите на Санкт Петербург објавуваа фотографии и видеа од гласни детонации и голем пожар наводно предизвикан од украински напад со беспилотни летала.

Снимките покажуваат густ црн чад што се издига над нафтениот терминал.

Анализата на рускиот независен Телеграм канал „Астра“ заклучи дека дроновите го погодиле нафтениот терминал во Санкт Петербург и го предизвикале пожарот.

Тоа е еден од најголемите руски магацини и извозни терминали за нафтени деривати.

Објектот се наоѓа на брегот на Финскиот Залив, дел од Големото пристаниште Санкт Петербург, а низ него годишно минуваат околу 12,5 милиони тони нафтени производи што се транспортираат со речен, железнички и патен сообраќај.

Share on Facebook

Tweet

Follow us

Save