INFOMAX.MK

Македонски јазик и култура постојат и тие ќе ја збогатат Европа, епораката од денешната заедничка прес-конференција на премиерот Мицкоски и Претседателката на Европската комисија, Урсула Фон дер Лајен.

„Вие бевте првата земја во регионот која го потпиша Партнерството за одбрана и безбедност со ЕУ и ги искористи инструментите за одбрана и безбедност и сте дел од коалицијата на подготвените бидејќи кога европска нација и пријател беше нападната, Северна Македонија се исправи и вие помагате на нашата Унија и ние сме мошне благодарни за тоа. Драг Христијан, ова е Северна Македонија која ние ја знаеме, земја која стои на зборот, земја која припаѓа на масата во ЕУ и мојата порака е ова: „Јасно, Вие ни припаѓате нам, со многу труд, со посветеност пристапните преговори започнаа во 2022 година, скрининг процесот беше завршен за помалку од една година и сега има само еден клучен чекор којшто треба да го направите за да можете да се придвижите напред и да го отворите првиот кластер „основи“. Знам колку е ова чувствително, но сакам да бидам и јасна, околу она за што се залага Европа. Ние ќе ѝ посакаме добредојде на Северна Македонија со нејзиниот идентите и нејзиниот јазик, веруваме дека македонската култура и македонскиот јазик може да ја направат нашата Унија побогата затоа што нашето мото е „различност и обединетост“ и ние сме мошне сериозни по тоа прашање.“ – истакна Фон дер Лајен.