INFOMAX.MK

Силна експлозија е регистрирана денеска во Одеса, каде што е планирана средба на украинскиот претседател Володимир Зеленски и грчкиот премиер Киријакос Мицотакис, јавува Анса, повикувајќи се на информации од неколку украински канали Телеграма.

Како што јави „Прототема“, колоната на украинскиот претседател Володимир Зеленски, која се наоѓаше на 150 метри од грчката делегација предводена од премиерот Киријакос Мицотакис, била нападната со руски проектил во средата во 11:43 часот.

„Нема никакви проблеми со безбедноста на премиерот и грчката делегација“, велат официјални извори од Владата.

„Сите сме добро“, изјави претходно за „Прототема“ министерот Ставрос Папаставру, кој е во грчката делегација во која покрај премиерот има осум лица и нивното обезбедување.

Локалните медиуми јавуваат дека Одеса била погодена со проектил Искандер или проектил Оникс.

Воената управа на Одеса околу 14 часот попладне ги повика жителите да одат во засолништа. Според корисниците на Телеграм, во нападот загинале пет лица, а неколку се повредени.

‼️🇺🇦💥 BREAKING Powerful explosion in Odessa, where the Prime Minister of #Greece was supposed to meet with #Zelensky.

🚨 Air raid alarm and an explosion in Odessa.

Greek Prime Minister Kyriakos Mitsotakis was supposed to visit the city today to meet with President Zelensky. pic.twitter.com/sp5k9kEZkc

— Maimunka News (@MaimunkaNews) March 6, 2024