(Видео) Хаос во Северна Митровица: Пронајдена бомба во ОИК!

Екипата за деминирање на косовската полиција неутрализираше неексплодирана рачна бомба во просториите на Општинската изборна комисија во Северна Митровица.

Според полициските службеници кои го обезбедувале местото на настанот, бомбата била уништена со таканаречена „контролирана експлозија“, а во моментов се врши повлекување на ЕУЛЕКС, КФОР, полициските службеници и тимот за деминирање од местото на настанот.

Како што јави репортерот на Косово онлајн, при интервенцијата се слушнала силна детонација. Уште една граната која се наоѓала во близина на просториите, според властите, експлодирала денеска.

Претходно денеска се слушнаа неколку експлозии во Северна Митровица, кога албански членови на ОИК, со помош на вооружена специјална полиција, насилно влегоа во просториите што ги користи Изборната комисија.

Share on Facebook

Tweet

Follow us

Save