(Видео) Штипјанка со секира демолира банкомат во Ресен

На социјалните мрежи кружи видеоснимка на која се гледа како жена со секира удира по банкомат на банка во Ресен.

Во дел од објавите што го придружуваат видеото, поделени се мислењата за мотивите за делото, како и за точниот период кога се случило. Сепак, официјалните информации од полицијата засега говорат дека станува збор за обид за кражба.

Имено, во натписот на една од објавите се наведуваат дека инцидентот се случил минатата ноќ, оценувајќи го настанот како вандализам мотивиран од сиромаштија.

Сепак, од МВР соопштуваат дека на 30 мај, околу 02:00 часот, полициски службеници од ОВР Ресен ја лишиле од слобода Ш.С. од Штип, со престој во Ресен, бидејќи била затекната при обид да изврши кражба.

Видеото погледнете го тука.

Share on Facebook

Tweet

Follow us

Save