„Ви благодариме за помошта“: Вучиќ го одликуваше претставникот на Руската Федерација во ОН со Орден

Претседателот на Србија, Александар Вучиќ, денеска во Њујорк му го врачи орденот Српско знаме од прв степен на постојаниот претставник на Руската Федерација во Обединетите нации, Василиј Небензја, пренесува Блиц.

Амбасадорката Ана Јевстигнеева, заменик постојан претставник на Руската Федерација во ОН, како и амбасадорката Марија Заболотка, заменик постојан претставник на Руската Федерација во ОН, беа одликувани со Орден на српско знаме од втор степен.

„Уште еднаш сакам да ви се заблагодарам за пријателските односи што ги развиваме, за помошта што ни ја дадовте овде во Њујорк, за време на дискусијата за Резолуцијата за геноцидот во Сребреница. Се надевам дека ќе можеме дополнително да ја зајакнеме соработката меѓу нашите народите и нашите земји на ниво на кое сите ќе бидеме задоволни“.

„Ви благодарам уште еднаш, беше многу тешка работа, многу ја ценам и секогаш можете да го очекувате истото од нас. Ви посакувам успех и се најдобро, ова беше голема чест за мене“, напиша Вучиќ на Инстаграм.

Вучиќ во наредните денови ќе им додели награди на сите оние кои и помогнале на Србија во врска со резолуцијата за Сребреница, пренесуваат српските медиуми.

Share on Facebook

Tweet

Follow us

Save