Владиката Наум во сослужение со грчкиот митрополит Дамаскин отслужи божествена литургија во Дидимотихо
Митрополитот Струмички Наум вчера на Неделата на Православието, отслужи Божествена литургија во соборниот храм „Пресвета Богородица Ослободителка“ во грчкиот град Дидимотихо, во сослужение на надлежниот архиереј Дамаскин, митрополит на Дидимотихо, Орестијада и Суфли, објави Твиериопол.мк.
На веб страницата на Митрополијата на Дидимотихо, Орестијада и Суфли, пак, е објавено дека сослужувањето на двајцата архиереи Дамаскин и Наум „е плод на евхаристиската заедница со Охридската архиепископија (Македонија) возобновена во мај 2022 година од страна на Вселенската патријаршија и ја покажува можноста Православието да ги надмине поделбите и расколите и под водство на Светиот Дух да го негува единството на помесните цркви“.
Владиката Наум, претходно на 2 и 3 март, заедно со митрополитот Плаошко-струшки и Дебарско-кичевски и администратор Австралиско-сиднејски Тимотеј, беа на поклонение на светињите во Вселенска патријаршија. Митрополитите Наум и Тимотеј беа примени и од вселенскиот патријарх Вартоломеј, а на негова покана, присуствуваа и на првиот официјален прием на новиот Кипарски архиепископ Георгиј. (МИА)
ПОВРЗАНИ ВЕСТИ
Приведен е братот на Виктор Орбан осомничен…
Братот на поранешниот унгарски премиер Виктор Орбан,…
Мајка донела пакет за синот во „Идризово“,…
При редовна проверка на пакет во затворот…
Искршени плочи на гробишта во Скопје по…
По Задушница, скопјанец пријавил оштетување на гробно…
Пет дена боледување од матичен – Нови…
Од 1 декември се менуваат правилата за…
Украински напад врз една од најголемите руски…
Украина изврши напад врз рафинеријата за нафта…