Владиката Петар: Се виде дека барањата на Цариград не се канонски, туку политички

И за владиката Петар се неприфатливи трите барања на Вселенската патријаршија поставува за да ѝ доделат томос за автокефалност на Македонската православна црква – Охридска архиепископија.

Се потврдило дека прашањето не било црковно, туку политичко, смета Митрополит Преспанско-пелагониски.

– Се виде дека нема никакви проблеми со каноничноста, туку исклучиво од нас се бара да се откажеме од нашиот идентитет, вели владиката во изјава што денес ја пренесе Сител.

Претходно ова го откри Архиепискот Охридски и Македонски г.г. Стефан.

Прашан што конкретно бара Вселенската патријаршија, тој посочи дека биле поставени неприфатливи услови – откажување од името Македонска православна црква, отстапување на македонската дијаспора и признавање на Православната црква на Украина.

Share on Facebook

Tweet

Follow us

Save