INFOMAX.MK

Владите во Србија и Албанија донесоа одлука од 1 јануари следната година да ја зголемат минималната плата. – вели претседателот на Синдикатот за градежништво, Иван Пешевски.

Во Србија таа ќе изнесува 64.554 динари, односно 551 евро, а во Албанија 50.000 леки или 515 евра.

Во Македонија, пак, според Владата и газдите, работниците ќе мора да почекаат до март 2026 година, кога според законот треба да се изврши редовното усогласување на минималната плата.

Иако имаше очекувања дека Владата, синдикатите и работодавачите ќе постигнат договор за зголемување уште пред изборите, тоа не се случи, а ССМ поради тоа организираше 22 протести.

„Очигледно е дека минималната плата нема да се зголеми ниту пред изборите, ниту пред Нова година. Работниците повторно ќе чекаат законско усогласување во март. Но мора да се нагласи дека тоа не е вистинско зголемување на платите, туку само усогласување со трошоците за живот и просечната плата. Инфлацијата ги демантираше тврдењата на работодавачите дека платите треба да растат само според продуктивноста“,

изјави за Локално Иван Пешевски, потпретседател на Сојузот на синдикатите на Македонија.

Србија и Албанија донесоа одлука за зголемување на минималецот од 1 јануари наредната година на тој начин Македонија остана последна во регионот и по минималната и по просечна плата, што ќе биде причина за одлив за уште повеќе работници од државата, објаснува Пешевски.

Владите на Србија и Албанија ги зголемуваат минималните плати, а што прави Владата во Македонија ?