INFOMAX.MK

Арачиново секојдневно се менува преку реализација на конкретни инфраструктурни проекти, оценува ВЛЕН, од каде посочуваат дека инвестициите треба директно да се почувствуваат кај граѓаните и во локалните заедници.

Од партијата наведуваат дека под раководство на градоначалникот Даут Беќири се реализираат активности во повеќе делови од Арачиново, со фокус на инфраструктурата, локалните улици, канализацијата, јавните површини и безбедноста на жителите.

Според ВЛЕН, се уредуваат улици и тротоари, се проширува канализациската мрежа, а се работи и на регулирање на речното корито во Грушино. Воедно, како што наведуваат, се уредува и нов парк во Арачиново.

Во мај годинава беше објавено дека во општината се реализираат инфраструктурни проекти вредни над 110 милиони денари, меѓу кои регулирање на речни корита, изградба на фекална и атмосферска канализација и проширување на водоводната мрежа. (Karmin)

Како еден од позначајните проекти, ВЛЕН ја издвојува изградбата на Спортскиот центар во Арачиново. Според партијата, работите започнале со изградба на тренинг-стадион, како прва фаза, додека во следниот период е предвидена и изградба на стадион за одигрување натпревари.

Од ВЛЕН оценуваат дека станува збор за инвестиција од значење за спортистите, младите и жителите на Арачиново.

„Улица по улица, проект по проект, Арачиново се менува. Работа и само работа“, порачуваат од ВЛЕН.