ВМРО-ДПМНЕ: Македонија е признаена како лидер во Реформската агенда, Изборниот законик не се носи поради СДСМ, Левица и ДУИ кои се плашат од избори

Единствената коалиција која функционира е Левица, СДС и ДУИ кои се обединети за блокада на Изборниот законик, поради страв од избори си подготвуваат предвреме алиби. Наместо да поддржат закон кој ги вградува препораките и го подобрува изборниот процес, тие свесно ја кочат постапката и бараат нови изговори – се наведува во соопштението на ВМРО-ДПМНЕ.

„На јавноста и е јасно дека ова не е борба за подобар Изборен законик, туку обид однапред да се создаде алиби за изборниот пораз што ги очекува. Венко Филипче после 4 месеци преговори во Собранието за Изборниот законик најде нов изговор и се сети дека му се потребни експерти. СДС ќе бара оправдувања, Левица ќе измислува нови конструкции, а ДУИ ќе продолжи да бега од одговорност. Но фактите се јасни, трите партии не сакаат реформи и токму тие се виновни што новиот Изборен законик се уште не е донесен“, велат од ВМРО-ДПМНЕ.

Од таму обвинуваат дека додека Македонија е признаена како лидер во Реформската агенда, изборниот законик не се носи поради опозициските СДСМ, Левица и ДУИ.

„На Македонија и се неопходни функционални институции и фер изборен процес, а не опструкции мотивирани од теснопартиските интереси на СДС, ДУИ и Левица. Македонија е признаена како лидер во Реформската агенда а тоа што не се носи новиот изборен законик е вина на СДС, Левица и ДУИ. Граѓаните ги гледаат овие политичките манипулации и калкулирања и токму затоа на следните избори ќе ги казнат овие партии на кои не им се важни граѓаните туку личните лукративни цели“, соопшти владејачката партија.

Share on Facebook

Tweet

Follow us

Save