ВМРО-ДПМНЕ останува цврсто определена за членство во ЕУ

t

„Тврдењата на Богданка Кузеска дека ВМРО-ДПМНЕ е против европската иднина на Македонија се целосно неточни. ВМРО-ДПМНЕ останува цврсто определена за членство во Европската Унија, но врз основа на достоинство, заемно почитување и заштита на националните интереси, а не преку прифаќање на нови понижувања и условувања“, велат од најголемата владејачка партија за обвинувањата на портпаролката на СДСМ.

Додаваат дека денес кога Владата на ВМРО ДПМНЕ работи на реформи, економски развој и враќање на довербата во институциите, СДСМ повторно се обидува да ја злоупотреби европската агенда за теснопартиски цели.

-Европската интеграција не смее да биде алиби за политички манипулации, туку процес заснован на реформи, владеење на правото и заштита на државните интереси.

ВМРО-ДПМНЕ ќе продолжи да работи за европска Македонија со силни институции, развиена економија и подобар животен стандард за сите граѓани, наведуваат од таборот на Христијан Мицкоски.

Портпаролката и членка на Извршниот одбор на СДСМ, на денешната прес-конференција оцени дека Мицкоски е подготвен да ја жртвува европската перспектива на земјата и оти неговата политика ја држи Македонија во изолација. Посочи дека ВМРО-ДПМНЕ не се плаши од Европската Унија, туку од реформите што ги носи европскиот процес, како независното судство, одговорноста и борбата против корупцијата.

Кузеска оцени дека Мицкоски дошол на власт со лаги за името, Преспанскиот договор и националните интереси, додавајќи дека тие биле средство за освојување на власта.

ПОВРЗАНИ ВЕСТИ

Латвискиот премиер повикува ЕУ да ги затвори…

Латвискиот премиер Андрис Кулбергс ја повика Европската…

ЕУ планира данок од 3% за дигиталните…

Европската Унија предлага данок од три проценти…

ВМРО-ДПМНЕ: Филипче и СДС продолжуваат со лагите…

СДС продолжува со ширење лажни, паушални и…

ЕУ ја спасува Македонија од пластичен отпад…

Европската унија од денеска, 21 ноември, го…

Унгарија ќе го повлече ветото за отворање…

Унгарија се очекува да го повлече ветото…