ВМРО-ДПМНЕ: 90 пратеници во македонското Собрание за функционална демократија и над еден милион евра годишно заштедени пари на граѓаните

ВМРО-ДПМНЕ предлага намалување на бројот на пратеници во македонското Собрание од 120 на 90.

Од партијата посочуваат дека 120 пратеници во Собранието е преголем затоа е потребно да се намали на 90 за функционална демократија и намалување на финансиските трошоци, пари на граѓаните.

Ваков пример на Собрание од 90 пратеници има во Република Словенија.

-За бројот колку што ќе се намали македонското Собрание, 30 пратеници, граѓаните месечно плаќаат по 51.000 евра по основ на плати и придонеси, а 612 илјади евра годишно. Ако се земе предвид дека на народните претставници им се исплаќа и за патни трошоци државата годишно инкасира скоро еден милион евра. За еден милион евра, заштедени годишно државата може да набави над 15 амбулантни возила и 10 противпожарни возила за граѓаните, се наведува во соопштението на ВМРО-ДПМНЕ.

За овој предлог, како и за предлогот за една изборна единица ги повикуваме сите политички партии на дебата, како и за консултации за поддршка за овие предлози.

Share on Facebook

Tweet

Follow us

Save