„Внимавајте кого избирате“ – Студентски протести во Белград и неколку други градови во Србија

Колона студенти од белградските факултети, придружени од граѓани денеска протестираа во Белград.

Студентите од Нови Сад организираат протест во поддршка на српските матуранти во средните училишта во Косово, а граѓани, студенти и професори во Крагуевац се собираат под слоганот „Струката со студентите“.

Под слоганот „Внимавајте кого избирате“, маршот започна од плоштадот Славија, каде што и завршува. Колоната помина покрај неколку институции, згради на министерства, Генералштабот, Владата… Студенти и граѓани поминуваа и покрај факултети по должината на рутата, од каде, како што се приближуваше колоната, беа истакнати транспаренти со прашања упатени до државните функционери и институции. На фасадата на Машинскиот факултет беа истакнати два транспарента: „Хаварија во ЕПС! Кој е виновен?“ и „Фабрика за оружје Крушик. Кој е виновен?“. Пред Машинскиот факултет, демонстрантите скандираа „Рио Тинто марш надвор од Србија“ и „Нема да копате“.

Share on Facebook

Tweet

Follow us

Save