INFOMAX.MK

На само неколку метри од министерството за внатрешни работи се наоѓа скопската населба Црниче.

Населбата која важи за едно од најспокојните и најбезбедните наслеби во главниот град сега е на мета на организирана криминална банда која ја загрозува безбедноста во населбата.

За помалку од една недела во населбата се веќе регистрирани три случаи на кражба, а граѓаните се загрижени за својот имот и безбедност.

Она што е карактеристично за овие кражби е фактот што истите се случуваат среде бел ден, а крадците внимателно го следат движењето на нивните жртви, па кражбите ги прават додека нема никој во домовите.

Граѓаните се гневни и обвинуваат дека полицијата не прави ништо за да го реши нивниот проблем иако кражбите се случуваат буквално во дворот на министерството за внатрешни работи.

За иронијата да е поголема покрај тоа што министерството е на неколку метри од почетокот на населбата, голем број полициски функционери поради близината до МВР одбрале да живеат во Црниче, а поради недостаток на паркинг места голем број полицајци своите автомобили ги паркираат токму во населба Црниче.

Сепак веќе неколку недели МВР не може да го реши овој случај, а последната кражба се случи пред неколку часа.