Возач намерно удри во луѓе во Франција – десет повредени, четворица во критична состојба

Утрово возач намерно удрил со своето возило кон неколку луѓе на францускиот остров Олерон, објавува „Ле Парисиен“.

Десет лица се повредени, од кои четворица се во критична состојба.

Инцидентот се случил околу 8:45 часот наутро помеѓу две села на островот, Долус Долерон и Сен-Пјер Долерон. Меѓу минувачите имало пешаци и велосипедисти.

Во замокот Олерон е формиран тим за психолошка помош.

Според првичните информации од истрагата, возачот наводно извикал „Алах Акбар“ пред да налета на неколку лица. Оваа информација сè уште не е официјално потврдена. Истрагата ја испитува и можноста дека станува збор за лице со ментални нарушувања.

„Сепак, мотивот не е потврден и истрагата ќе треба да утврди“, изјави јавниот обвинител на Ле Рошел Арно Ларез, посочувајќи дека е отворена истрага за обид за убиство.

Неколку минути по нападот, мажот бил приведен без отпор од жандармеријата додека се обидувал да го запали своето возило. Во автомобилот биле пронајдени боци со гас, а возилото било само делумно запалено. Тој беше однесен во жандармериската бригада на Сен Пјер Долерон.

Според информациите од  „Ле Парисиен“ станува збор за маж со француско државјанство, во триесеттите години, кој живее во Ла Котињер, село на западниот брег на островот Олерон.

„Познат е по бројни проблеми, особено по неговата редовна употреба на дрога и алкохол“, изјави за „Ле Парисиен“  градоначалникот на Сен Пјер Долерон, Кристоф Сиер. Според информациите, човекот не бил во базата на податоци за спречување на радикализација и тероризам (FSPRT).

Министерот за внатрешни работи, Лоренс Нуњез, објави на платформата „Икс“ дека лично ќе оди на местото на настанот

Share on Facebook

Tweet

Follow us

Save