Возач прегазил жена во Ѓорче и избегал, оставајќи ја тешко повредена на патот

Четириесет и осумгодишна жена е тешко повредена откако ја удрил автомобил „фиат“ во скопската населба Ѓорче Петров, соопшти МВР. Возачот потоа избегал од местото, оставајќи ја тешко повредената жена на патот.

„На 05.08.2026 во 21:20 часот во СВР Скопје е пријавено дека на крстосница од ул.„Борис Сарафов“ и ул.„Крсто Раковски“ во Скопје, патничко возило „фиат“ удрило во 48-годишната А.С.К. од Скопје и го напуштило местото. Во несреќата со тешки телесни повреди се здобила А.С.К., констатирани во ЈЗУ Градска општа болница „Св.Наум Охридски“ Скопје. Извршен бил увид од увидна екипа од СВР Скопје и се преземаат мерки за пронаоѓање на возачот и за целосно расчистување на случајот“, пишува во полицискиот билтен.

Share on Facebook

Tweet

Follow us

Save