ВОЗЕТЕ ВНИМАТЕЛНО! Карпа ВИСИ над автопатот Скопје-Велес

Oпаснa карпа виси над автопатот Скопје-Велес, односно на потегот после патарината пред Велес, а веднаш после првиот тунел. Од Центарот за управување со кризи (ЦУК) информираат дека оваа карпа e опасност по учесниците во сообраќајот, а за опасноста биле предупредени преку повиците кои биле упатени на бројот за итни случаи 112.

– Во ЦУК, има повеќе пријави од граѓани. Ситуацијата со опасната карпа е сериозна и потребно е во најбрз можен рок да биде направена санација, односно да се отстрани за да не се загрози човечки живот. Повеќе од 18 денови карпата е одвоена од основниот масив високо над патот и паѓаат парчиња камења на автопатот со што директно се загрозени учесниците во сообраќајот, информираат од ЦУК.

Оттаму велат и дека нивна екипа утрово го посетила критичното местото и утврдено е дека повеќе карпи и камења се забележани на повеќе локации, кои иако се заштитени со мрежи постои можност да се стркалаат на брзата сообраќајна лента.

– Неодамна укажавме за опасност до јавните претпријатија за државни патишта и за одржување и заштита и магистрални патишта и препорачавме да направат стручен надѕор и да ја санираат и обезбедат состојбатата на критичните места за одрони, информираат од ЦУК.

Share on Facebook

Tweet

Follow us

Save