Возило од обезбедувањето од претседателот на Собранието Африм Гаши излетало од патот кај Ново Село, повредени три лица

Возило од обезбедувањето на претседателот на Собранието на Република Македонија Африм Гаши излетало од патот кај Ново Село, Општина Дебрца, јави порталот Ohrid 1.

– Сообраќајна несреќа се случи денеска кај Ново Село, Општина Дебрца, при што интервенирале две амбулантни возила и екипа на противпожарната служба. Дознаваме дека во несреќата учествувало возило од обезбедувањето на претседателот на македонското Собрание Африм Гаши, објави порталот.

Од СВР Охрид потврдиле дека возило од обезбедувањето на Африм Гаши излетало од патот во Општина Дебрца.

– Во несреќата се повредени три лица и истите се пренесени во болница, изјавиле за порталот од СВР Охрид.

Претседателот на Собранието на Република Македонија Африм Гаши денеска престојува во посета на Општина Охрид, каде треба да се сретне и со градоначалникот, д-р Кирил Пецаков.

Share on Facebook

Tweet

Follow us

Save