Вонредна состојба во Португалија: Седуммина загинаа, во земјата беснеат над 100 пожари

Најмалку седум лица загинаа во пожарите што избувнаа во областите Авеиро и Визеу во Португалија.
Во земјата моментално беснеат над 100 пожари, а меѓу загинатите има и пожарникари и цивили.
Владата прогласи вонредна состојба во областите најтешко погодени од пожарите, вклучително и областа Авеиро, јужно од Порто.

Неколку големи пожари беснеат во други шумски области.

Властите мобилизираа повеќе од 5.000 пожарникари, а уништени се десетици куќи и илјадници хектари шума.

Националната гарда соопшти дека од саботата уапсила седум лица осомничени за подметнување пожар во областите Леирија, Кастело Бранко, Порто и Брага.

Премиерот Луис Монтенегро ги повика полициските инспектори да ги удвојат напорите за пронаоѓање на одговорните за подметнувањето на пожарот и вети помош на загрозените.

Share on Facebook

Tweet

Follow us

Save