Во Австрија уапсен 39 годишник, осомничен за случајот со отров за стаорци во бебешка храна

Полицијата во источна Австрија соопшти дека 39-годишник е  осомничен и уапсен, откако отров за стаорци се појави во некои теглички за храна за бебиња ХиПП на полиците во супермаркетите во централна Европа.

ХиПП, кој повлече дел од својата храна за бебиња во Австрија, Словачка и Чешка откако случајот излезе на виделина минатиот месец, изјави дека им олеснало по апсењето и дека штом добијат дополнителни информации ќе ја информираат јавноста, објави АП.

Канцеларијата за криминална полиција на Бургенланд, под раководство на обвинителите, соопшти дека е покрената истрага откако отров се појави во тегла за храна за бебиња купена во супермаркет во градот Ајзенштат на 18 април.

Полицијата соопшти дека осомничениот е испрашуван, но  дека нема веднаш да дадат дополнителни детали. Јавното обвинителство на Бургенланд објави дека е покрената  истрага за сомнение за намерно загрозување на јавноста.

Канцеларија на Бургенланд соопшти дека осомничениот е уапсен во покраината Салцбург, на запад, објави Асошиејтед Прес.

Се чека експертски извештај за токсичноста на отровот. Вкупно пет тегли со фалсификувана храна за бебиња беа запленети пред да можат да се консумираат, објави АПА.

Властите претходно изјавија дека веруваат дека фалсификувањето се случило во тегли од 190 грама храна за бебиња направени со моркови и компири за пет-месечни бебиња, кои се продавале од супермаркетите СПАР во Австрија.

ХиПП одговори со повлекување на сите свои тегли за храна за бебиња што се продаваа во Австрија како мерка на претпазливост. Продавачите во Словачка и Чешка, исто така, ги отстранија од продажба сите тегли за бебиња на брендот.

Компанијата соопшти дека повлекувањето не се должи на никаков дефект на производот или квалитетот од нејзина страна и рече дека теглите го напуштиле нивниот објект во совршена состојба.

ХиПП, со седиште во Пфафенхофен, Германија, соопшти дека е жртва на изнуда, бидејќи неидентификуван уценувач испратил порака до заедничко поштенско сандаче во случајот, што ги натерало веднаш да ја известат полицијата.

Share on Facebook

Tweet

Follow us

Save